हाई टेक आदर्श पूज्य सिन्धी पंचायत, जूना बिलासपुर (छ.ग.) खां कुछ सिखण खपे

 हाई टेक आदर्श पूज्य सिन्धी पंचायत, जूना बिलासपुर (छ.ग.) खां कुछ सिखण खपे

गोपाल सिंह लबाना/

बिलासपुर (छ.ग.) 08 अगस्त 2024/

बिलासपुर (छत्तीसगढ़) हाई टेक आदर्श पूज्य सिन्धी पंचायत, जूना बिलासपुर अटकल पंज सौ परिवारन जी अगवानी कन्दी आहे। 

पंचायत में 40 सेवा भावी सेवादारन जी हिक   टीम  आहे, जेका  समाज जे दुख - सुख में मदद करण जे लाए बरव्कत तैयार रहन्दी आहे। अचानक कहिं बि परिवार में शोक थी पवे  त इन   टीम जा मेम्बर उन शोकाकुल परिवार में पहुंची वेन्दा आहिन, ऐं काई तैयार करण खां वठी श्मशान भूमि में थियण वारे खर्च सां गढ़ु बियन रस्म जो पूरो इन्तज़ाम कन्दा आहिन, शोकाकुल परिवार खां को बि खर्च न वठन्दा आहिन । टिंए ढींह ते पगढियूंन जी रस्म लाए शोकाकुल  परिवार जे  घर हिक ढीं पहरीं पहुची वेंदा आहिन ऐं पगढियूंन जे लाए परिवार सां सलाह करे सभई तैयारियूं पाण कन्दा आहिन,  इन में पगढियूंन जे लाए जगह मैसर कराईण, विहण जे लाए गिलम-पटियूं विछाईण, चांहिं-पाणी जो इन्तज़ाम करण वगैर खां पोई बारहें जी रस्म में बि परिवार जी सलाह सां उन्हनि जी रीत-रवाज सां मदद कन्दा आहिन।

पंचायत जे खजांची बलराम हरियानी "बलू" भाउ सम्पादक गोपाल सिंह लबाना खे अजु पूज्य सिन्धी  पंचायत हाल में सरदार राजूसिंह जी पगढियूंन ते थियल रुबरु  मुलाकात में ईहा मथे लिखयल गाल्ह बुधाईंन्दे चयो त जे कढहिं भगवान न करे पर जे शहर में शोक जा  2 -3  कम अचानक थी पवन त सेवादारीयून जी टीम विराहजी वेंदी आहे ऐं  20 -20, या  13 -  13 या 10 - 10 सेवादार हर परिवार में पहूंची वेन्दा आहिन, हरियानी अ बुधायो त  शोकाकुल परिवार खे पंहिंजी पहरीं सूचना पंचायत खे मोकलणी आहे बाकी सब कम पंचायत संभाले वठन्दी आहे । 

अजु 8 अगस्त  2024 ते हाई टेक आदर्श पूज्य सिन्धी पंचायत, जूना बिलासपुर में पंचायत हाल में सरदार राजूसिंह जी पगढियूंन ते सम्पादक डिठो त पंचायत हाल में सेवादारीयून ई सभ तैयारियूं क्यूं ऐं पगढियूंन खां पोइ उन्हनि ई सब सामान समेटे वरतो। 

हिन समाचार सां गढ़ु मथे ढिनल तस्वीर में खाबे पासे में सभ खां पहरीं स्वर्गवासी सरदार राजूसिंह जो वढो भाउ सरदार आनंद सिंह, उन जे पासे में पंचायत जो खजांची बलराम हरियानी "बलू" ऐं इन्हनि जे पासे में सम्पादक गोपाल सिंह लबाना सां गढ़ु पासे में  राजूसिंह सलामतानी नजर अची रहिआ आहिन।

जाण हुजे त आदर्श नगर बिलासपुर (छ.ग.) में मौजूद गुरु नानक दरबार जो सेवादार भाई  जसपाल सिंह "रवि" जो पूज्य पिता साहिब सरदार राजूसिंह 5 अगस्त  2024अ ते अकाल चालाणों करे सचखण्ड सिधारे विया हुआ, तहिं जूं अजु पगढियूंन जी रस्म थी, पगढियूंन में वडे तादाद में पंच, मुखी मौतबर, वापारी, ऐं समाज जा मइजीज शख्सियतूं शामिल थियूं ।

राजासिंह सलामतानी जे बारे में :

सिन्धी समाज मां आहे, गुरु नानक दरबार जे पासे में आदर्श नगर कालोनी में ई रहन्दा आहिन,  नडपिण खां ई गुरुबाणी में विश्वास हो, नितनेमी,  दरबार में तन, मन ऐं धन सां सेवा कन्दा आहिन, सेवा जे सदके गुरुअ जी  इन्हनि ते महर थी,  राजा राम मां साबित सूरत  राजासिंह थिया । 

सम्पर्क: 

बलराम हरियानी "बलू"

88894 88894

राजासिंह सलामतानी: 

98278 06683

गोपाल सिंह लबाना

94140 07822

====/=====

अधिक समाचार पढ़ने के लिए 

👇 किल्क करें 👇 

https://www.dailymaruprahar.page/?m=1

अपनी राय नीचे कमेंट्स बाक्स में दें